Shteti më i populluar i Australisë,  New South Wales (NSW), tani është tërësisht në thatësi, zyrtarët kanë konfirmuar.

Një dimër i thatë ka intensifikuar atë që është quajtur thatësira më e keqe në kujtesën e gjallë në pjesë të Australisë lindore, transmeton portali arbresh.info.

NSW prodhon rreth një të katërtën e prodhimit bujqësor të Australisë. U regjistrua zyrtarisht si “100% në thatësira” të mërkurën.

Qeveritë shtetërore dhe ato federale kanë siguruar një fond prej 576 milionë dollarësh australianë në fondet e ndihmave emergjente.

“Nuk ka një person në shtet që nuk shpreson të shohë shi për fermerët tanë dhe komunitetet rajonale”, tha ministri NSW për Industritë Primare Niall Blair.

Mungesa e shirave ka bërë që ky shtet të jetë më i thatë se kushtet normale. Por, këtë problem nuk e ka vetëm NSW, më shumë se gjysma e fqinjit Queensland është në thatësi, kurse pjesë të Victorias dhe Australisë Jugore njashtu po përjetojnë thatësinë./Arbresh.info/